Re naisssance

Je vis, je meurs, je me brule et me noye.
J'ay chaut estrème en endurant froidure:
La vie m'est trop molle et trop dure,
J'ay grans ennuis entremeslez de joye:


Tout à coup je ris et je larmoye,
Et en plaisir maint grief tourment j'endure;
Mon bien s'en va, et à jamais il dure:
Tout en un coup je seiche et je verdoye.


Ainsi Amour inconstamment me meine:
Et quand je pense avoir plus de douleur,
Sans y penser je me treuve hors de peine.


Puis quand je croy ma joye estre certeine,
Et estre au haut de mon désir heur,
Il me remet en mon premier malheur.


Baise m'encor, rebaise moy et baise:
Donne m'en un de tes plus savoureus,
Donne m'en un de tes plus amoureus:
Je t'en rendray quatre plus chaus que braise.


Las, te pleins-tu? ça que ce mal j'apaise,
En t'en donnant dix autres doucereus.
Ainsi meslans nos baisers tant heureus
Jouissons l'un de l'autre à notre aise.


Lors double vie à chacun en suivra.
Chacun en soy et son ami vivra. 
Permets m'Amour penser quelque folie:


Toujours suis mal, vivant discrettement,
Et ne me puis donner contentement,
Si hors de moy ne fay quelque saillie.


De Louise Labé
(1524-1566)